كلمات ملامحك شاشي ودوايا جوني
وخضابه تسكاب جرحي الدافق
فضممته ضم الرضيع لامه
لكاني انهل من غدير حارق
حتى اذا مالت به خمر الكرى
وجفونه اقداح حلم داهق
باعدته عن اضلع تشتاقه
كي لا ينام على وساد خافق
ياما شيلت ف قلبي كتير حواديت
وياريتني اقولك عنها ياريت
كملت سكوتي عشان حسيت
انها بتقسيني عليكي
كان جوه الغنوة كلامي حزين
وحروفها من الايام خايفين
ونا صوتي يغني ازاي ولمين
لو جرح بدموعه عينيكي
وعشت ميت بابيت فوق رصيف روحي
حلمك ناديته لاقيته اتغطى بجروحي
اول ما جرب يقرب بينا من تاني
البرد رزع ومزع فيكي عنواني
الليل ف عينيا يروح ويغيب
يرجع ويقوللي الحزن نصيب
ونصيبى ابات وكانى غريب
بيونس روحه بلياليكي
على سدر الشوك باسهر وبانام
وباطارد ريحتك ف الاحلام
يمكن خطاويا تلاقي مكان
ف طريق متدفي بخطاويكي
ف الشط زاهد باجاهد بالرحيل حيرتي
بحرك سفينتي ومدينتي وقبر تكشيرتي
تكويني شمسك وهمسك يبكي جوايا
ع الجرح ملحك ملامحك شاشي ودوايا
ف الشط زاهد باجاهد بالرحيل حيرتي
بحرك سفينتي ومدينتي وقبر تكشيرتي
ف العتمة حارسك وغارسك نجمة جوايا
ع الجرح ملحك ملامحك شاشي ودوايا
كلمات اغاني جوني ملامحك شاشي ودوايا
غناء : جوني
كلمات : انطونيوس نبيل
الحان : انطونيوس نبيل