كلمات مناكبنا تنقل الموت جفران بن هضبان
اباخذ من الدلال الشعر كيف بريه
ليا من بغيت اكتب ممثلي سوا العساس
يشد الابل في دار ماهيب مرعيه
بهار الدلال الفايحه تجذب الهوجاس
ذلول المقاني الي يقود له منقية
على ضو نارا ماتباري سوا النسناس
تهيض المشاعر والاحاسيس جدية
يامدخل يابن مقبول ياهدت القرناس
ليا من كفخ فالجو تربض حباريه
عيار الذهب معروف ماهو عيار انحاس
ولابه شوايب شابته صفر بالميه
هلا مرحبا لين الحلوق اتغدي يباس
كثر مانرحب والتراحيب مثنيه
في حلت بني عمي هل العز والنوماس
سنام الفخر والمجد تاخذه جبريه
عيال اجودي ماهو كما باقي الاجناس
لي من طرى اسمه ونعم بعد طاريه
على مذهب الاجواد ومعربين الساس
تعمر البنا وتزيد في ناره الحيه
من الجود ماتسمع سوا البن فالمحماس
ولمهيلات الكيف بالفوح ماريه
يضيق المقلط رغم بالكبر ما ينقاس
وصحن الشحم يتلى القدوع الحساويه
يوم الفقر مايرحم وساكن بطون الناس
وسمنا الفقر والجود هو ميسم الكيه
تجود اليمين ولا عليها من الإفلاس
على سم وآمر والمطاليب مقضيه
من هذيل والامجاد نبري لها الاقواس
دروع الحجاز اليا احتمى صالي الهيه
يوم الامن مايرسي ويرسي قوي الباس
رسينا كما ترسي جبال السعوديه
قبل مايجي المدفع وللحرب درع وطاس
نقود الكتايب والخيول الجزيريه
نصرنا صلاح الدين وخصامنا تنداس
وطينا النصارى فالحروب الصليبيه
مناكب تنقل الموت للي يريد الياس
على اخصامنا الي ماتبي كود مرثيه
كتبنا من التاريخ شعله لها مقباس
بالافعال والامجاد ماجات عاريه
كلمات اغاني جفران بن هضبان مناكبنا تنقل الموت
غناء : جفران بن هضبان
كلمات : رعد الهذلي
الحان : جفران بن هضبان