كلمات من الحب لهيه سعيد الصنهاجي

بويا الفقيه
حالي راك شفتيه
وا قليبي عيان
شكون يداويه
..
ماشي غير كانبغيه
راني من الحب لهيه
عيّاني الدقان
و هو قفّل عليه
..
قصدتك فالله
ديرلي تاويل
العقل دّاه
و فطريقو شفت الويل
..
يا الباضاض مانع عليا
و ما قدّيت عليه
انا الي درتها بيديا
مويمتي واش دّاني ليه
..
حالي معدوم
مابقيت نشوف النوم
غرقان فالغرام
و ماعرفت نعوم
كنت انا سيد القوم
من الحاكم للمحكوم
جنيت الدل بالعرام
وا شكون نلوم