كلمات من اول دقيقة اليسا
ودا اللي وصلت ليه
لو أسمع اسمي بشفايفك
باقولك كرريه
وعمري ما هقدر أوصفلك
بحبك قد إيه
ارسمني في ليلك نجمة
ضيها يلمع في العين
اكتبني في عمرك كلمة
يحكوها الناس بعدين
أنا نفسي أعيش فوق عمري
يا حبيبي معاك عمرين
لو تطلبي مني عينيا
لو تطلبي عمري كمان
هاديكي سنيني الجاية
وهاكون راضي وفرحان
انتي اللي وجودك جنبي
حسسني إن أنا إنسان
دا من أول دقيقة
لحبك قلبي مال
عرفت في ميت طريقة
تغير حال بحال
بتوه بين الحقيقة
يا عمري والخيال
دا من أول دقيقة
لحبك قلبي مال
عرفت بميت طريقة
تغير حال بحال
بتوه بين الحقيقة
يا عمري والخيال
أنا عايزاك تفضل جنبي
سندي وفارس أحلامي
قلبي في قربك متطمن
خليك دايما قدامي
أنا قبل ما بنطق كلمة
بتكمل ليا كلامي
دا وجودك بيكملني
خليتي حياتي حياة
إحساسي بحبك خدني
وأنا هافضل ماشي وراه
حضنك يا حبيبتي لا يمكن
لو ثانية أعيش براه
في واحدة تملي في ظهرك
وفي ضعفك هتقويك
تؤمرها حبيبي وأمرك
هتقول شبيك لبيك
جنبك ولآخر عمرك
هتعيش علشان ترضيك
دا من أول دقيقة
لحبك قلبي مال
عرفت بميت طريقة
تغير حال بحال
بتوه بين الحقيقة
يا عمري والخيال
دا من أول دقيقة
لحبك قلبي مال
عرفت بميت طريقة
تغير حال بحال
بتوه بين الحقيقة
يا عمري والخيال
كلمات اغاني اليسا من اول دقيقة
غناء : اليسا
كلمات : امير طعيمة
الحان : رامي جمال