كلمات من يهاب الموت ماهوب سنحاني صالح الزهيري
جل شان اللي فرض خمس الاركاني
ياالله التوفيق والعون والخيـره
في لزوم يحتـريني ويعنـاني
محفل غالي وجتنـي تباشيـره
والله ان الحفل حفلي وذا شاني
لو طويت البعد من ديره لديره
للرفيق الذرب والطيب يشعاني
ياسعد ياطيب الساس والسيره
امدحك صادق وصح الله لساني
رفقتـك ماهيب لفه وتـدويـره
مكسب ماهو يقدر بالاثماني
ومن غلا الطيب ومن زود تقديره
محزم ماعده الا من اخوانـي
ماني بمنهو يقـدم معـاذيـره
لابدا ماجوب ذربين الايمـاني
ياولد شيخ لاكثروا مساييـره
يفرح وهيف على الحشو والضاني
صالح اللي مايحسب مخاسيـره
مايصـر المال يـوم العمر فاني
نسل قوم تحفظ السلم والجيره
ال راسي ريف للجـار والعـانـي
مجدهم ماهو يقـارن مع غيره
فالزمن هذا وماضيت الازماني
ياهل المجـد القديم ومشاهـيره
من على عصر الحرايب والاكواني
ياهل الاسم الكبير واساطيره
شيوخ شمل لاوقفو يفرح الجاني
كل شيخ يحتمي من صعاطيـره
وقفته في حزة الضيق لا حاني
جمعهم لامن تحرك طوابيره
من يهاب الموت ماهوب سنحاني
كلمات اغاني صالح الزهيري من يهاب الموت ماهوب سنحاني
غناء : صالح الزهيري
كلمات : حمد بن علي المري
الحان : صالح الزهيري