كلمات مهداه من الوطن السميري محمد البصيلي
يا هلا ومية مراحب برجال اجوادي
ترحيب المزن وامطاره لا جا البلادي
نشامة اجواد في يوم الجد
اصقور شيهاني
إقواي الحيل عسروج الخيل
فرسان شجعاني
اقديرات هاذول طاريهم يرفع
الراسي
حيا الله بيهم رفاقة عمبدا وساسي
من السميري توصل للد وعواجاني
مراحلة اسباعة للنخوة رمز وعنواني
مراحلة عز وطناخة وقلوب حديدي
وان جت عالهيبة يامعود كيف مابتريدي
كيف مابتريد بتلقاهم دومن إرجالي
والسبع سبع من يومه مقامه
عالي
ربنا يرحم روحك يابوفرحاني
وصيط الغانم مايمحيه طول الزماني
صدقت يلي اتقول اللي عقب ماماتي
يسلم أولاده واحفاده ارجال الفزعاتي
عبد الرحمن المراحلة الشهم الكريمي
رجال فهد جود وجهد دومن زعيمي
زعيم فهيم رايه سليم يسلم ارجاله
ناره وقادة لضيوفه وبهر فنجاله
احمد ياسبع الازلامي يابو الزعامه
رجالن جيد من جود خواله وعمامه
وهذا أحمد ذيب الذيابة هرجن مدروكي
قالهي الوطن لأخيه ألفين مبروكي
مبروك خطوبتك ياأحمد يابوالنخية
عز الرفيق فيوم الضيق مافي اللي زيه
يورد عحوض المنايا لعيون
رفيقه
وان مال اعدوه بالباطل بيبس ريقه
عمر ماخيب الهقوة ولا بيخيبي
أنا أشهد أن أحمد ذيب ومن صلب ذيبي
الله محيي الرفاقة والخوة تدومي
دام الخوي لخويه أهل العزومي
ياويله اللي يعاديهم ماله الدية
إرجال العز ولاتنهز أجبال قوية
إجبال متينة يعني مابيهزهم ريحي
أهل الهمايم صعب واحدهم يطيحي
لعيون الوطن غنينا زين الأشعاري
لعيون ألسميري رفيقنا النشمي الجساري
واختامهي صلو عالنبي عدد ما طاري
اطيور بعالي السما ورشت أمطاري
كلمات اغاني محمد البصيلي مهداه من الوطن السميري
غناء : محمد البصيلي
كلمات : محمد البصيلي
الحان : محمد البصيلي