كلمات مهرجان اول حب ابو الشوق
سنين
واخده روحي لفين
مين هيخدع مين
ده الزمن غدار
ياقلب
هو أول حب
آل جاب الغلب
لما كنا صغار
حبيتها اه بطريقه ياه
كان عشقي فوق المستحيل
وكل يوم زي النجوم
في مكالمة نسهر طول الليل
في كلام كتير احساس كبير
في عينيها شايف 100 دليل
عشقاني موت ايام تفوت
وخصامنا نادر كان قليل
آخر لقاء كان في اتفاق
أن احنا نعمل معجزات
عدي يومين جه عريس منين
بفلوسو قتل الذكريات
معقول ياناس وافقت خلاص
وفرحها جه وبسرعه فات
حبة فلوس خلت نفوس
اتغيرت والحب مات
تغيب
بس فيا تسيب
جرح لازمه طبيب
مين يصون ياقلوب
ساعات
في الغرام بالذات
بنقابل حكايات
ال فيها مكتوب
سافرت بعيد لبلد جديد
راحت معاه وبإرادتها
حبة تعيش لكن مفيش
ولا شيء يفرح ف حياتها
فاكراه يكون راجل يصون
بقيت سجينه ف وحدتها
شافت اندهاش صفقه ببلاش
انه اشتراها دي غلطتها
اتاريه سكير مالوش ضمير
وحياته شله وترابيزه
يلعب قمار يورو ودولار
خسر الفلوس فضا الفيزا
لحظة شيطان علي أصله بأن
يلعب عليها ويخسرها
باعها الخسيس بتمن رخيص
مكنتش علي قلبه عزيزه
بدموع
قلبها موجوع
ف الطريق لرجوع
بعد غيبه سنين
بتقول
قلبي بقي مقفول
ده ال شوفتو يطول
شرحه هحكي لمين
شافت ولد أهل البلد
حبيتو جدا ليه هيبه
سألت ده مين طب أهله فين
شكلي طولت الغيبه
ردو البشر وصل الخبر
ان الولد ابن حبيبها
صدموها اه فرحت بحزن
حسيت بخوف حاجه غريبه
سألت عليه اخباره ايه
شكله لقا الفرصه التانية
وقالولها عاش حبك ده باش
بعدك حياته بقت دنيا
صعب تشوفيه دلوقتي بيه
خطواته محسوبة بالثانية
ربك مجيب عوضه قريب
عنده السعاده دي مش فانيه
عشان
عاش بروح انسان
فاز بعيشه امان
واديكي ندمانه
قرار
كان نهايته النار
قلبك ال اختار
ف بيعه خسرانه راح
خسرت اكيد ورجعه البيت
ملقتش ابوها ولا أخواتها
سألت جيران مش ده المكان
والرد كان هيموتها
والدك تعب لما افتقر
والدنيا ورتو قلبتها
عرفت مكانه و عينيها بانو
فيها حزن مشيت سكتها
ولقيت ابوها مشلول ف كرسي
ويدوب بينطق بلسانه
وحبيبها هوا أبو المروا
هون عليه فى احزانه
بالخير رعاه ووقف معاه
ومشفش غير بس حنانه
مشهد في رعب موقفها صعب
لو هي كانت ف مكانه
معلومات الاغنية
غناء : أبوالشوق
كلمات: اسلام شيكسو
توزيع: احمد شيكو المايسترو
مونتاج : يوسف البرنس
ايديت ريتاتش : احمد شعوزه
كلمات اغاني ابو الشوق مهرجان اول حب
غناء : ابو الشوق
كلمات : اسلام شيكسو
الحان : ابو الشوق