كلمات مهرجان علي الصحراوي ماشي قتيل امين خطاب
بقيت ماشاء الله رد سجون
كاره حواليا كل الكون
و أه يانا ..
بفتح عينى على تحقيق
باخد فى استمرارات ع الريق
سنين من عمرى مرمى بريئ
فى زنزانه
( مصطفى الجن )
ياعم انا مش بتاع داخله
انا ابن حرام باجى فى دوخله
ومدة حبسى كت رحله
ورجعتلكو ..
خارج م العرض مش باقى
هجيب ع الارض اعدائى
فيكم رجاله مش لاقى
هدمدمكو
صحابنا بترفع العداد
ومسكو فلوس من الارشاد
وداع يا رجوله خمسه حداد
خدو عزاكى ..
عشان قرشين باعونى قوام
وراحو وجوم على الاقسام
حكمتو عليا بالاعدام
ومش باكى ..
( كافيا مشتركة )
مالك فضفضلى واحكيلى
شعور الخنقه بيجيلى
سكوتك صعب يا زميلى
بيقلقنى ..
حلمت بحبل وطقيه
دا نفس الحلم جيه ليا
ريحة عشماوى حواليا
بتخنقنى ..
ياصاحبى الموت مالوش مواعيد
ولو هنموت نصيبنا اكيد
كفايه ان احنا ايد فى الأيد
على الحلوه وعلى المره ..
انا فى ضهرك وهفضل اخوك
خارج عن أسم ابويا وابوك
هحارب فى اللى بيحاربوك
هسندل جوا او ابرا ..
على الصحراوى ماشى قتيل
شادد اجزاء على الهلاهيل
و يا مراحب بأى عويل
من العوله ..
مفضى شريط فى كانز البيبس
حاطط على قلبى رمله و جبس
ياخصمى اتقل هتلبس لبس
تعاله جوله ..
مدق الشر داخلينو
كمين الخصم كاشحينو
فى بحر الوهم سايبينو
يعوم حبه ..
١١ شنطه متشاله
وبدأ النكش يازماله
فى غدر ونفس شياله
دكن طالبه ..
عيار بيقابل العيارين
رصاص فى القلب من خاينين
زميلى وقع فى غمضة عين
موت اختارو ..
سحبت الألى من جمبى
انا اتحولت مش ذنبى
معنديش رحمه انا فى قلبى
هاخد طارو ..
هتيجى معاك يلا بنمره
هقولك زيرو كام حمره
بلاش تتحط فى مغامره
هجيب وشك ..
سكوت يلا خيط الشفه
ماتحلوش هنا يا خفه
تمامك طلقه تتوفا
يلا هنشك ..
بيخرص بقكم فى حضورى
بتتبخرو وقت ظهورى
اخركم هرى ع الاستورى
مفيش افعال ..
كبيركم اخرو كام كشاف
بيلمح يوم خيالو يخاف
على الاسفلت مش متشاف
عشان دا شمال
كلمات اغاني امين خطاب مهرجان علي الصحراوي ماشي قتيل
غناء : امين خطاب
كلمات : محمد غباشي
الحان : امين خطاب