كلمات مهلكات الحمر دحوم الطلاسي
يلتجي بك كل من كثرت همومه
اسقنا يا الله من الرايح المدرار
غر مزن بارقه ولع غيومه
عزنا يالله بـ سلمان ابونا البار
خادم البيتين يا ربي تدومه
و بولي العهد زيزومنا المغوار
ملهم الرؤيه قراره من نيومه
ملهم الرؤيه محمد عرف يختار
والفهد قال السراحين مخدومه
ارتكى خاله وخاله عزيز الكار
طور النادي بفكره و مفهومه
اسم بن حثلين تفرح به ام حوار
والردي ما تستر عيوبه هدومه
هيبة اسمك يا قعيد للبدو تذكار
ما يعقب الصقر في وكره البومه
والصقور الجارحه ما تبي صقار
واكثر العالم من الطيب محرومه
ابلشونا بالتصاريح هالتجار
و سيرة قعيد بالامجاد من يومه
لاطرى اسمك راحت البدو في استنفار
وين راع الحمر يعطيني علومه
لا أقبلت و مطير معها عساك مجار
والخشوم اللي تبى الفرك مخزومه
الوعد برماح ما نقبل المعذار
نشري الموت المصفى على السومه
هيبة اسمك يا قعيد للبدو تذكار
ما يعقب الصقر في وكره البومه
كلمات اغاني دحوم الطلاسي مهلكات الحمر
غناء : دحوم الطلاسي
كلمات : قرناس الشاطري
الحان : دحوم الطلاسي