كلمات مهندس الرؤية منير البقمي
خزمت عدوانك بتاريخك خزم
بطشت فالاعداء بجنب ما يلين
واطلق شنب قدام وجهك ما يزم
حسادك من الغبن راحوا مفلسين
من يسحب اذيال الهزيمه منهزم
وحنا معك ما نستمع للمرجفين
شعبك يردد شق دربك واحتزم
شفنا على جنبك من يسار ويمين
كل يعدك له ولد عم لزم
شبهتنا بطويق يالحر الامين
ضلع شمخ ماهو بـ قاع ولا حزم
ياسيدي حنا بنهجك مقتدين
عملاق بافكارك ويفداك القزم
عراب دولتنا سفير الطيبين
حاكم بشرع الله تعالى ملتزم
خلدت لك مجد يسر الناظرين
يا درعنا الضافي ليا الوضع اتزم
و اخمدت نار تشتعل طول السنين
حتى حطبها اللي يحذفونه رزم
اخمدتها من حنكتك في ساعتين
الروس تقدح والبنادق ما تزم
والسيف الاجرب في رقاب المعتدين
كنه على قصاف الارواح يعزم
عينتوا الارهاب والمتطرفين
عم الأمن والفضل لاولات العزم
شكرا ولي العهد فخر الامتين
عسى اليمين الطايله ما تنحزم
الله جعل خيرك يعم المسلمين
الله من طيب النوايا والعزم
ساسك عريق من الجدود الاولين
من يجهل معزي و سلمان الحزم
كلمات اغاني منير البقمي مهندس الرؤية
غناء : منير البقمي
كلمات : عبدالله الهذيلي
الحان : البدر