كلمات مورفين عمار حسني
بطلت عشان شوفتك ان انت مش حباني ابطل
ما يغركيش المنظر كل دول مجانين
ما يغركيش الوقت انا شخص الليلة بتكبرني سنين وسنين
بختي ما عرفنيش جدعان عرفني قله
حظي جلى سبعة مليار شخص ولبسني فيك انت
حبيت في مرضى قلبه قلبي سرايا صفرا
مش عارف احبك ولا اسيبك شوفتي ازاي بقيت في ورطة
انا مش بدمع ده الدخان طرف لي عيني
ومش مشتاق لك ده الكحول بس سك في بيكويني
انا مش لاقيني حبيتك غربتيني
كنت زي العرب خنتي وكنت انا لوحدي فلسطيني
حبوني بالشكل اللي حبوا يحبوا بيه نفسهم
وانا مش اسف لو ما كنتش الشخص اللي اتهيا لهم
انا في جحيم في عقلي في شياطين
يا تعلمني انام ازاي يا تزود جرعة المورفين
ذكائي رماني في اخر اوضة في المصحة
في وش جوة دماغي في غصب عني هصحى
زمايلي خلصوا ما تبقاش غير ورق بفرة
كل الطرق كانت بتودي لطبق الفركة
قلبي رماني جهنم كان بيحب شيطانة
في عينها سحر كل قلبك زي البيرانا
كانت جميلة بس لما كانت سكرانة
كل الطرق كانت بتودي للكرفانة
خلص الشتاء ومشيوا وماعرفش راحوا فين
علاء الدين فهم اخيرا انه مش مقام ياسمين
الشيلة ثقيلة واحنا غلابة مش حمل الغرام
بتوع مغنى وكلام معناش يكفي حتى حق احلام
بلعنا تعبنا وقلنا ان احنا بخير يا سيدنا
وان صوت الكسر في روحنا كان بعبع وبيخوفنا
وان حبايبنا سابتنا عشان ده كان في مصلحتنا
وان الدنيا لطشتنا عشان كانت عايزة تعلمنا
قفلوا اغربه وما بقاش في لازمة انك تستني
لو عيشتك جوة دماغي يومين اخاف انك تتجني
حظي كده وحظك كده وغصب عني
يفضل الصعلوك صعلوك حتى لو طلع له جني
جميلة زي الوردة حزينة زي الناي
ده مش عتاب وانا مش بلومها لكن فهمني انساها ازاي
فكرني انا مين وقت ما يغلبني الحنين
يا تعلمني انسى اللي فات يا تزود جرعة المورفين
ذكائي رماني في اخر اوضة في المصحة
في وش جوة دماغي في غصب عني هصحى
زمايلي خلصوا ما تبقاش غير ورق بفرة
كل الطرق كانت بتودي لطبق الفركة
قلبي رماني جهنم كان بيحب شيطانة
في عينها سحر كل قلبك زي البيرانا
كانت جميلة بس لما كانت سكرانة
كل الطرق كانت بتودي للكرفانة
قفل باب اوضته وطفى النور واستنى ينعس
كان بيصبر نفسه بجملة اهدا كابوس ومسيره يخلص
شغل مزيكا رغم جمالها كانت بتضايقه
ازاي حواليه كل البشر دي ولسه حاسس انه لوحده
نهش السهر ملامحه نحت حبايبه تحت عينه
ما كنش بيتكلم لكن حكت كثير رعشة ايديه
افكار دماغه زي ما تقول كانت خرطوش
صعبت نفسه عليه عشان كل اللي عازه ما كنلهوش
ما رساش لبر عشان القرش كان صياد
انا وانت مين ونساوي كم خسرانة في لعبة البشوات
ما بينا بلاد بس البعيد ع العين ما سابش القلب
كنا بخير من غير الناس ليه عملت ما بيننا حرب
طفى المزيكا وغمض عينه اتمنى ينعس
ده كابوس مسيره يخلص ده كابوس مسيره يخلص
غلبه التعب فاتمنى يغفل لثانيتين
مافيش مسكن بقى بياثر زود جرعة المورفين
ذكائي رماني في اخر اوضة في المصحة
في وش جوة دماغي في غصب عني هصحى
زمايلي خلصوا ما تبقاش غير ورق بفرة
كل الطرق كانت بتودي لطبق الفركة
قلبي رماني جهنم كان بيحب شيطانة
في عينها سحر كل قلبك زي البيرانا
كانت جميلة بس لما كانت سكرانة
كل الطرق كانت بتودي للكرفانة
كلمات اغاني عمار حسني مورفين
غناء : عمار حسني
كلمات : عمار حسني
الحان : عمار حسني