كلمات موسم شتي صباح
حتى الصنوبر ما قدر يتحملو
ركعت الحورات عالنبعات
ودلقت الصخرات عالكرمات
وحيطان بيتنا اه بيتنا تزلزلوا
شتي شتي اه شتي
عصف الشتي يعمل مشاوير
بالمدخني عشعشوا عصافير
حسيت هالقرميد رح بيطير
وتلجات بلمنجور تغلغلوا
شتي شتي اه شتي
كورس خدلك عا شتي طوفان طوفان
صباح طوفان طوفان وسكوت ينزل عالهدا
يضرب بحيطان هالوديان
يعمل صدى يصرخ يولول يبرم حول البيوت
وما في حدى غير الصدى وسكوت وسكوت
وطيور البرد من هالبرد عم يرحلوا
موسم شتي كان بعدو باولو
وصار الحلو متل الوتر عالعود
يرجف والنغم موال موال موال
يمكن هالحلو من البرد ما يعود
لا خبر لا مرسال لا سؤال
من ميل اخ والبرد من ميل
ويسود التلج بالليل بالليل بالليل
وعيون السما يتحولوا
بموسم شتي كان بموسم شتي كان
كان بعدو باولو
يا رب موسم شتي يرحل مع جنونو
والناس يتلاقوا والحلوين من هالميل بيكونوا
لحلواتنا اشتاقوا
وننسى البرد يا رب
ويدفى الجرد يا رب
والحب والحب يغمر هالدني
موسم شتي يمرق يا ربي يمرق يا ربي
يا ربي ولدني
والحب يغمر هالدني والحب يغمر هالدني
موسم شتي يمرق يمرق يمرق يا ربي ولدني
والحب يغمر هالدني والحب يغمر هالدني
كلمات اغاني صباح موسم شتي
غناء : صباح
كلمات : وسيم طبارة
الحان : ملحم بركات