كلمات نار الامجاد جفران بن هضبان
بين هقوة رفيق وبين شرهة محب
مال الاعذار في بعض المواقف مكان
لعنبا اللي ليا كبر اللزوم انسحب
يابو ضيدان حدد موعد المهرجان
ونار الامجاد زود في حطبها حطب
والله انا ما جيناكم عشان و عشان
قسمنا ناخذه بالطيب والا غصب
كن خالد ولد ضيدان يلعن بيان
جيت احلق شنب مفتول وافتل شنب
قرب مسكتات ويالله المستعان
جات ما بين ماشاءالله عليها واهب
ارفع الصوت واندب ندر الشيعلان
كل خف يصالي جمرة تلتهب
ادحم الشوط وافهق بالزيان الزيان
لين تودع حلال منافسينك مطب
كن فـ خشومها زمة ملك ما يهان
الملك حضب والمطفوق حرك سبب
من نظرها يقول العيز ماله مكان
من تفهاق غاربها تشوف العجب
ودك انها ما تغسل غير بالزعفران
ودك ان الجنايب من حرير وذهب
شكلها ماهو بدارج مع البيدوان
تامن الخوف وال جدي معها جنب
احتموها بني عمي بحد السنان
عزوة ودك بها فالرخى والنشب
لاد سالم هل السيف وهل الجبخان
من كبار المقام ومن دهاة العرب
لابة العـز والناموس والعنفوان
مجدها كل ليله بالذهب ينكتب
يوم للخيل عز وللمصاقيل شان
خصمنا لا سلم منا سلامة عطب
من بني هاجر اللي تعتزي في قحطان
يوم وقت العزاوي والدما للركب
كلمات اغاني جفران بن هضبان نار الامجاد
غناء : جفران بن هضبان
كلمات : فالح بن مهل الهاجري
الحان : جفران بن هضبان