كلمات ناعس العين منصور الوايلي
لاتلوم المولع كان بيح كنينه
قوس الألوان في كبد السما له معاني
هيبة الغيم والأمطار تثبت حنينه
وأنت ياللي على بدع القصيد تحداني
تدري البعد والغيبه تزيد الغبينه
اتحرى مجيك واحسبه بالثواني
تفضح العاشق اللهفه بوجهه وعينه
انت يانور عيني من عجايب زماني
القمر فيه منك وريحتك ياسمينه
ياحروف القصيد ويالحون المغاني
كل وصف نقوله فيك تستاهلينه
لين العود جسم كنه الخيزراني
ناعس العين وحجاج يميز جبينه
إن بديتي تهيا كل شي وزاني
وإن حكيتي يازين الصوت ياسامعينه
مايهزم الغياب الشوق وأنا تراني
الأول اللي على ذاك الوعد تخبرينه
يوم قلتي ترى للعشق بحر ومواني
ويوم حرفي على رمل البحر ترسمينه
ماطلبتك محبه قلبك اللي دعاني
ثم تعلقت في قلب مايرحم ضنينه
أقبلي مثل صبح عقب ليل غشاني
عودي صوب قلب غالي تملكينه
اشهد أن الزمن والحظ ذا قلباني
يوجع القلب والعاشق عسى الله يعينه
كلمات اغاني منصور الوايلي ناعس العين
غناء : منصور الوايلي
كلمات : فايز عدينان
الحان : منصور الوايلي