كلمات نبض الخفوق المياسي
شوقي كسر تيم شوق العاشقين
ما يوز عنك و لا منك غناه
والقلب في بعدك بيصبح حزين
يتغلّق العوق لا كنّك دواه
ولو يبطي السيل ميرادك سمين
يا رادة القلب شرغته و مناه
روحي معك والعمر قربك يزين
يا ضلّة اللي نصاك ويا ذراه
مقياله فرمش عينك والجبين
لا تحرمه يوم جا يبغي غفاه
سهران يرقب لقا عينك سنين
يا قبلة أحساسي و يا منتهاه
يا ضلعي وخشم عزّي واليمين
أحلف بربٍ تعلّى في سماه
ليّنت قلبٍ حلف لي ما يلين
الوقت يا ليته يمضيبي معاه
لي عقرب الساعه قربه يستكين
منيتي مطلبٍ في ملتقاه
الغض لي من سناع الطيبين
في خير وافراح دايم يا عساه
وعساني اعيش به شوق وحنين
واهنى بقربه ويتزايد غلاه
ويتجدد الحب له في كل حين
معلومات الاغنية
كلمات :: سعود بن محمد
ألحان :: سعيد الكعبي
غناء :: المياسي
هندسة وتوزيع :: عبدالعزيز العبري
ت. فيديو :: المفارق
كلمات اغاني المياسي نبض الخفوق
غناء : المياسي
كلمات : سعود بن محمد
الحان : سعيد الكعبي