كلمات نظم الوله وليد ابراهيم
و غيرك من العربان لا ما تمنيت
شوقي لشوفك فايض و في تمادي
و ان لفت داري لو من البعد حييت
و ان زرتنا بالحل و الجو هادي
لا شك ليلة سعدنا جان وافيت
يا مرحبا باعداد كوس البرادي
ترحيبة اللي بالذرابة لهم صيت
اشفلك و اهواك و انته مرادي
عن كل غالي في فوادي تعليت
ابسطلك ضلوعي و كل الايادي
اتهييض الاحساس كل ما تباديت
خليتني هيمان في كل وادي
يا كيف عني ابتعدت و تناييت
مر السبوع و هاتفك ما ينادي
و القاك منچف يا جميل و تباطيت
يا مورد الخدين من ورد كادي
العمر مره و العمر فيه توقيت
الحق عـ ضو الشوق قبل الرمادي
لا يضيع عمري بين منوة و ياليت
عديت نظم من الوله لك ينادي
و ماظنتي لغير شخصك تعنيت
الحال ما يخفاك و عندك وكادي
رد اليواب و شوفني بك تعاييت
كلمات اغاني وليد ابراهيم نظم الوله
غناء : وليد ابراهيم
كلمات : عبدالله بن مهيمير الكتبي
الحان : وليد ابراهيم