كلمات نهار العيد ناصر الزبني
أرى وجهك حزين وعندك الافراح معدومة
قبل تحضر لنا والوجه مشرق والثياب جداد
وعلى وجهك سعادة من حروف النور مرسومة
تجي زاير عزيز وتنشر الفرحة على المعتاد
وعلى صوتك يفز النايم الغرقان في نومة
نهني فيك الاحباب الغوالي والفرح يزداد
معك بهجة نعيش افراحها بيام معلومة
ولكن جيت هذا العام وجهك يحمل الانكاد
مثل حال المريض اللي بدأ يعجز عن القومة
فقدنا الحب والاحباب والبستان والاوراد
والاحلام القديمة والغلا والشوق وعلومة
بعد ماقلت الاحباب قامت تكثر الحساد
وكل انسان في هذا الزمن مشغول بهمومة
رصيد الذكريات الغالية خالي من الامداد
أعيد الذكريات الماضية والنفس مصدومة
متى تنعاد ياجو الفرح مدري متى تنعاد
يعيدك ربي اللي عنده الارزاق مقسومة
كلمات اغاني ناصر الزبني نهار العيد
غناء : ناصر الزبني
كلمات : محمد الخريصي الشمري
الحان : ناصر الزبني