كلمات نوماس عز صالح اليامي
لو بتمنى مع هل الذودناقه
شقحا ماوردت عند سايم وبياع
من الغلا والزين فيها انفهاقه
طول رقبتها لا تقايس مع القاع
مترين مافيها تدنق واعاقه
الشقح لدهاة العرب طب واسناع
ولف يزيد مع السنين العلاقة
الشعل تاج الزين من ماضي فات
من دونها الارواح ماهي خساره
هزع الغوارب والمناحر عريضات
لون الحطب لاشبوا البدو ناره
لها مع الامجاد والعز جولات
في صدر الاسلام ونواة انتشاره
ومع المؤسس ساهمت فالفتوحات
تاخذ من الراس الشجيع الصطاره
الابل فيها المال والجهد ماضاع
لحد يلوم اللي عشقها عشاقه
تلفي لبيت الله سفر ثم مرجاع
مابين تسبيح الاهل والرفاقه
الابل عز لهل الزرع بالذات
لها على جر السواني جداره
مثل ماراعيها بنا له حضارات
نوماس عز و ساهمت فالحضاره
كلمات اغاني صالح اليامي نوماس عز
غناء : صالح اليامي
كلمات : اميرة الهاجري
الحان : صالح اليامي