كلمات هجن نايف صلاح الحربي مسفر السندوانة
ذلولن طيبها ياهل الهجن من طيب راعيها
رقيت الطايله يانايف الحربي وعال النوف
على كسب المعالي عادت منته مخليها
يابو تركي عليك اجزل سلامي والثناء مردوف
على انجازاتك اللي كل مطلق يفتخر فيها
شجاع من صناديد الحروب ولا بقلبك خوف
تقدم للمهام اللي صعيباتن وتنهيها
تجيب السابق اللي فالمواقف جهدها مخلوف
يقولون العرب من طيبها ياحي طاريها
تروح من منافسها نهار الركض بعد الشوف
عصاها فالبطان ولاحدن يقدر يجاريها
على مجمع هل السبق وخلق الله عليه نكوف
برز دور الذلول النادره واللي يمطيها
مثل ماشفت من مركاضها فيه الوصوف وصوف
يوردها على عدود الروى لاعطش ضاميها
خذت شوط التحدي واذهلتهم والعيون تشوف
اردد يامشاءالله كل مادور على آليها
اليا من وشوشو بالصوت قامت فالحلال تطوف
مضراتن على كسب الوموز اللي تضويها
مثل ماقالو الشعار هاذا غارب وذا جوف
زهى فيها الفخر واصدق مديح الشعر كاسيها
عليكم ياهل الاول تحيات وسلام الووف
قبيله صيتها دايم على القمه معليها
هذولا ياهل الهجن الاصايل ماعليهم خوف
نواميس الفخر من سلم حاضرهاوماضيها
يعشقون التحدي والتعب عند الهجن مخلوف
ولاللكايدات المعجزات الا ضواريها
كلمات اغاني مسفر السندوانة هجن نايف صلاح الحربي
غناء : مسفر السندوانة
كلمات : مسلم الوارد الصيعري
الحان : مسفر السندوانه