كلمات هل الشلفا عبدالله ال جفران
في نواحي الارض يوصل مدى زلزالها
قال بن لعوج وهو راس من جملة رجال
الخليفه لابتي والفعول افعالها
شوشوا ياربعنا زلزلوا صم الجبال
طشوا الغتره وطشوا معاها عقالها
ربعي كزيم الفخر من نسل بني هلال
في نهار الجهل موت حمر جهالها
من يجاري لابتي مايلاقي له مجال
الحمول الكايده مالها إلا جمالها
لو تصبحنا العرب من يمين ومن شمال
الخليفي دايما ينجح بإذلالها
هم هل الشلفا واهل ذا البلاجيك الطوال
كل عقده تتعب الخلق فكو حبالها
هم حزام للظهر هم كريمين السبال
يامن الخايف ويهنى لا جا في جالها
النجوم النايفه فالسما فوق التلال
من رقى لتل لو هو رقى ما طالها
والختم صلاة ربي عدد ما السيل سال
عالنبي لي أمته بالعفو دعا لها
كلمات اغاني عبدالله ال جفران هل الشلفا
غناء : عبدالله ال جفران
كلمات : سلطان بن لعوج الخليفي
الحان : عبدالله ال جفران