كلمات هواجر فالحرب ماحن بعقال فالح بن فصلا
الله يجيب اليوم لين انتواجه
ماني وانا اخو شايعه كافح الفال
ارقب زواجه لين قرّب زواجه
بجيه كلي مرخص الحال والمال
وقصيدتن عصما تروق مزاجه
من شاعرٍ له في سما الشعر منزال
مصدقه كنها حديث بن ماجه
ماتكتب الا في صميدع ورجال
مايعرف دروب الردا والعواجه
الي لجاه الضايق بضيقت الحال
خلاه يقفي منه يضحك حجاجه
ولا الردي لو يلبس شماغ وعقال
راس الدجاجه عند ذيل الدجاجه
مالبس له بشتٍ ولا لبس سربال
يبقى الخواجه طول عمره خواجه
ولا الهويدي مرخصٍ روس الاموال
الراس طيب والفعايل اسياجه
سعد مثل نجمٍ تعلا ولا زال
ماله على روس الشواهيق حاجه
شعره يدرّس في المناهج للجيال
بدعه ماياتي فيه ضعف وسماجه
معاه سيفٍ في الشعر سيف خيّال
يعرف مداخيله ويعرف خراجه
من سربتن تاتي الخطر طيش وهبال
مافيهم الي هاب يوم المواجه
من ال جمهور الفخر روس وابطال
معشّيت ذيب الخلا من مداجه
فعولهم يضرب بها دايم امثال
تشرب قراح الماء وتترك هماجه
هواجرٍ في الحرب ماحن بعقال
لاوالله الا اجهل من الي نواجه
افعولنا تشهد لها روس الاقذال
الي ورا العارض نفضنا عجاجه
..
كلمات اغاني فالح بن فصلا هواجر فالحرب ماحن بعقال
غناء : فالح بن فصلا
كلمات : مبارك بن سوداء
الحان : فالح بن فصلا