كلمات هيبه الموقف فهد بن فصلا
من هو اللي رعى نجمك يا لين استدار
من هو اللي توسم فيك وارهى شبورك
لين بشرت ربعي عقب طول انتظار
جابك حمود بن عياد واختار دورك
وكل طيب هقاه العود في بدر صار
وانت تتعب على قول ونعم في بكورك
لين حصلتها والزند يقدح شرار
خاتمك ذايب فصه بتولة بخورك
فتخة شيوخ ماهي خاتم مستعار
اعمد الحزم واقدح راي واذهن سبورك
ومن ينوش الحمى خلك بحلقه زرار
خلهم ياردون البير من عقب سورك
وان عطش ذودهم ياعلهم للدمار
في جنونك وغطرستك وفي كل امورك
فيك وقفة شموخ وفيك رسمة وقار
اشكر ايامك وشوفتك واشكر شعورك
واشكر اللي جمعني فيك وسم ومدار
قلت اسمي غلاك الحلم و ارضي غرورك
شيخ شمل وحدر بشتك تقرنس حرار
والدياحين في شوفتك والشور شورك
وانت شاهد على عصرك وانا مستشار
في تواريخ جداني حكوا عن ظهورك
في سجل الشرف سيرة شيوخ كبار
هالني هيبة الموقف بلحظة عبورك
ما اعرف من وقف جنبي بهاك النهار
ياقصيدة تشرفني ليا جيت ازورك
قافيتها ذهب وبطونها صلوا نار
يابلاش القصايد كلها في حضورك
قدرك أكبر من التاريخ واسمك شعار
كلمات اغاني فهد بن فصلا هيبه الموقف
غناء : فهد بن فصلا
كلمات : ماجد الشاوي
الحان : فهد بن فصلا