كلمات هي هيك الدنيا ما لها امان عدي ايمن
بتكسرنا وبتقوينا بتضحكنا وبتبكينا بتاخود منا وبتعطينا
يوم معنا ويوم علينا هيك بضل تتسلى وتلعب فينا
ومع لعبة الأيام قد ما حاولت تلعبا صح بالآخر رح تخسر
لأنا لعبة مالا نهاية وكل ما تقطع مرحلة حتلاقي حالك بمرحلة أصعب
فبتالي بهاللعبة مافي فوز أبدا
وقت تضعف وينهد حيلك حتلاقي الكل حواليك مستعد
يلقي المحاضرات عليك ويقلك انت لازم تكون قوي وتشد حيلك
بس ما حدا حيمد إيدو ويشدك ليساعدك توقف ع رجليك
وما حدا حيفكر أنه يعمل أي مبادره ممكن تخليك تكون قوي فعلا
بإختصار نحنا أمة شاطرة بالحكي وبس
ع قولة نجوى ما حدا لحدا يا حبيبي
اي ولا تحاول تلون الحياة لإن بعد كل محاولة
حتلاقيها رجعت لبستلك الاسود
بالحقيقة أنت وأنا وهو نحنا اضعف من إنو نحدث أي تغيير
متل ما دائما بقولولنا كل شي مقدر ومكتوب
وهاد قضاء الله وقدره مسلمة مجبور تآمن فيها
لأنك ما بتملك خيار تاني فريح راسك وبلالك عجقة الأفكار الفيلسوفية
ولا تسأل حالك أسئلة ما عندك الها اجوبة مقنعة
الكل عم يضحك ع حاله وعايش
إنت كمان سدو لباجوق مخك واضحك ع حالك وعيش
كلمات اغاني عدي ايمن هي هيك الدنيا ما لها امان
غناء : عدي ايمن
كلمات : عدي ايمن
الحان : عدي ايمن