كلمات والله ان خوه هل الطيب جفران بن هضبان
يفخر الشاعر الى صاغ قافه واكتبه
تمشي الركبان به وايعبر كل الحدود
وتبطي الاجيال تحكي بنظمه معجبه
وفي ولد موسى نقود القصيد الذرب قود
لين يرقا باسم نايف على اعلى مرتبه
فيك يانايف مدايح هل الطاله تزود
من قرامه راسك اللي المراجل مكسبه
الجناب الدمث مع خوه كمبود عود
ما يغيرها الزمن والظروف المتعبه
المكارم حزتها من وفاك وبحر جود
الخوي يبشر بعزه ويبشر با اعجبه
انت طيبك ماله حدود ومعرب اجدود
والرجل يفخر بطيبه ومنبع منسبه
انت ابوك الي على طيبه العالم شهود
كل منسب طيب من روس ربعه ينتبه
ابلج في شبره الى قست الايام زود
ومع شموخه مرخي للنوايب منكبه
تفتخر فيه ال شاهر عما عين الحسود
وتفتخر روس قحطان النجوم المرقبه
وانت اخذت المدح والمرجله من راس عود
ومن خوالك خذت جزل المكارم واطيبه
في عبيده كل الامجاد تفخر طود طود
الجبال اللي تذري زحول الموجبه
انت مجدك لاسمك يقول فوق ارقا سنود
ما يلام اللي سواتك لا باها با انسبه
يفتخر بك كل شهم على الشده يزود
من يخاوي اهل المواجيب يبشر با اشببه
والله ان خوه هل الطيب تشرا بالنقود
الرفيق ينومسه بالفعول ويعجبه
لا ضربتو قافر البيد مع وقت البرود
في هوايه كل قلب هوا الصيد اطلبه
ساعه يسلا بها القلب وتغسل الكبود
من تعودها زمنها الى اقبل يرقبه
وفوق كفك نادر عوق من تقفي شرود
من وقاره ما تهمله فوق المرتبه
كن قحفه غار رجم نحته انسام نود
من علوه كن الارض المريفه مجدبه
يكدون الصيد لاشيف للجول امهدود
من كثر مالظن لاهد ماقد خيبه
صيدته دايم يجي راسها ماله وجود
مثل محوال المضلي سبايب مخلبه
ريشها تحفظه لاشجار في جبال ونفود
وانتشاره يعرفون الصقاقير اسببه
محلا ذيك الدقايق على مر العقود
في شريط الذاكره ثابته وامغيبه
لذه الدنيا طربها على عز ن وفود
ورفقه اهل الطيب من ضاق صدره تطربه
كلمات اغاني جفران بن هضبان والله ان خوه هل الطيب
غناء : جفران بن هضبان
كلمات : عبدالهادي القنيفذ
الحان : جفران بن هضبان