كلمات وجودي رائد الحربي
تضايق وعينه تذرف الدمع همالي
تذكر وشوقه تل عرق الحشا من أقصاه
وهمه على صدر الشقى كنه جبالي
توجد ونار الشوق في خافقه تصلاه
على ضوها الساري يسج الخلا الخالي
ياليل المطر والبرد والشوق مع ذكراه
ترادم مزون الشوق وبرقن له اشعالي
مع أول طلوع اسهيل والبر له مطراه
اسج القدم والصدر والله ماهو خالي
ويمشي على نهج الوفاء دايمآ ممشاه
لو مال به وقته عن الحق مامالي
عزومي قوية والفخر عارفه ممشاه
اشوف المصايب كنها شرب فنجالي
وداوي بصبري كل جرحن صعيب دواه
وبعض الجروح اعلاجها يبري الحالي
وانا اللي لو يدور الزمن ماختلف مبداه
على العز مبدايه لو اشوف الاهوالي
انا اللي ماجتها بيض الايام في المشهاه
وانا اللي لقيت من اقرب الناس غربالي
وانا اصاحب الطيب ولايمكن ابنساه
وانا دون وجهي مرخصه حالي ومالي
وقلب المعنا ويش باقي بعد ماجاه
يارب السماء والارض وكلتك احوالي
لو الهم ماقصر عليه يجر اغناه
لكن اعرف جنيه الذهب ماهو ريالي
ولا كل من يلبس له شماغ جاله جاه
ولا كل من يشري له حصان خيالي
كلمات اغاني رائد الحربي وجودي
غناء : رائد الحربي
كلمات : منيرة الصليح
الحان : رائد الحربي