كلمات ودي انسى فهيد النتيفات
ترتوي من شوفتك بين الغلا وبحوره
تنبت ورود الحيا مصفره ومحمره
والعطر يفوح من جو تعج زهوره
لجل من حبه تمكن بالفواد وضره
جار حبه لين عدا النقطه المحضوره
لي ثمان شهور صدري مايهدي حره
لين افيض للهجوس العبره المحشوره
كل شي قد عرفتك فيه اجي وامره
وانت تعرف فاقد الاحباب كيف شعوره
ودي انسى معجم حروف الهجى بالمره
ون نسيت الاسم جاني نبرته بالصوره
كل درب اجيه احصلك ياروحي جره
وفي غيابك روحي تعيش الهوا مقهوره
الغرور احيان يذبح صاحبه ويحره
والليالي بين برد وبين حر وبوره
الاصيله عايشه حره وتفنى حره
وان لقت خيالها صارت معه مغروره
يالله اللي خالق الانسان عالم سره
انك تخلي النفوس اللي معك منصوره
كلمات اغاني فهيد النتيفات ودي انسى
غناء : فهيد النتيفات
كلمات : منيرة الصليح
الحان : فهيد النتيفات