كلمات ورد صناعي تامر حسني
يا ترى اقولك ولا لأ
قررت أقول خلاص عادي
لأني فعلًا عندي حق
إنت أغرب حاجة عرفتها
أنت صفحة سودة قفلتها
صدمة عمري بأمانة
فترة ذل ومهانة
يا أكتر سيرة كرهتها
كنت دائي وبغبائي بتحمل وأعاني
كنت بلغي كبريائي واقول هيتغير عشاني
تحت شعار الحب كنت مش شايف انتي
اتاريي ظالم نفسي وكنت بقلل من كرامتي
وبالنسبة لعمري اللي فات تروح في داهية الذكريات
ومش هقول انا ندمت عشان بجد انا اتعلمت
فكرة انك تستنى الاحساس من اي حد
زي ما تسقي ورد صناعي وتستناه يكبر بجد
كلمات اغاني تامر حسني ورد صناعي
غناء : تامر حسني
كلمات : تامر حسني
الحان : محمد يحيي