كلمات ورق التين فيروز
لموا الوردات طالع غيمات لبسوا جوانحهم ع التلات
رفوف عصافير تهرب وتطير تقصد أوكارها بالكرمات
خلي ورق التين
يتشرد
يتبدد
يشرد بالشمس باهت متل الحنين
خلي ورق التين
يسبقنا
يلحقنا
يفرش بالهمس مطرح لنا أمين
حبيبي وأنا تعب وغنى آخر الطريق الطويل
وداع وحكي بلبل يشتكي والدني فرح الرحيل
وبعده ورق التين
عم يوقع
يتودع
يشرد بالشمس باهت متل الحنين
ورق التين عم يوقع
ورق التين عم يوقع
كلمات اغاني فيروز ورق التين
غناء : فيروز
كلمات : الأخوين رحباني
الحان : الأخوين رحباني