كلمات وش جابني وليد الشهري
وأشاهدك يا الذكريات القديمة
وش حدني أوقف على رسم مهجور
وأجدد أطعوني وأردد ظليمة
الخاطر الولهان منهك ومكسور
واليأس خيم دون شيمة وقيمة
أخطيت في حقي وأنا كنت معذور
جيت المعالم بعد أقسى هزيمة
في داخلي شيء حداني ومجبور
بالقلب له آثار باقي مقيمة
بيني وبينه حالت أميال وبحور
وطول المسافة دوم يبغى عزيمة
أتخيله بدروبي يشع من نور
ملامحه غير ورسومه وسيمة
كانت بداية حبنا ورد وزهور
والحلم تاه وضاع في وسط غيمة
وش فيك يا حظي معي صابك أفتور
مستكثر الفرحة ولو هي يتيمة
إن جيت بفرح بان ما كان مستور
تخنقني العبرة وحسرة أليمة
أضحك على نفسي وأنا أقول مسرور
والخافي أعظم والشواهد عظيمة
مشكور يا مقفي على البعد مشكور
علمتني معنى النصر والهزيمة
وإن جيت متأخر وأنا فاتني الدور
ليه أنبش الماضي وذكرى قديمة
كلمات اغاني وليد الشهري وش جابني
غناء : وليد الشهري
كلمات : عبدالرحمن بن نوار الاكلبي
الحان : وليد الشهري