كلمات وضح النقا فهد العيباني

قلت لي يعني تبي نخفف لقا
وش يهم الكون كله لو عرف
عاشقك يعشق على وضح النقا
ويتباها فيك و تزيده شرف

مادريت اليوم قلبك وش هقا
بس قله لا يتوه و ينجرف
دامني باقي ولله البقا
كلهم ماداسوا لقلبك طرف

احتفظ باللي يحبك من شقا
وش تبي باللي يحبونك ترف
من يحبك يرتقي بك لا رقا
غير هذا الحب والله ما آعرف

صدق عشاق ومواقيف أصدقا
تتضح لك وسط دمعي لا ذرف
ما أعترف بالحب من أول لقا
لين خلتني عيونك أعترف