كلمات وكالة ونعم فهد بن فصلا
ويش تستر ويش تخفي عبايتها
المطر والورد والثلج والملة
كلبوها تجتمع في حمايتها
ارقبتها من على المتن منتلة
والدلع والغنج كنه هوايتها
والخصر ماكنه الا خصر دله
ماتشوفه لين تاخذ مرايتها
حي والله ذاك الاقبال والطله
يوم لمت في طرفها شتايتها
عاقله ماهي خفيفه ومختله
كل ربات الحسن تحت رايتها
بكرة من زينها دقه وجله
واصل عرنونها سقف وايتها
شوقها نايف عسى العاثر فدله
منتهى كل الفعول وبدايتها
ابن حلوه راس الامجاد والسله
حصلت عنده الاجاويد غايتها
ابلج يمناه بالخير منهله
كل واجب خير ماهو بفايتها
داعي الماجوب يحضر قبل حله
قبل داعي الناس ولا دعايتها
المراجل كلبوها تحت ظله
وصل علوم المراجل نهايتها
لانعقد حبل الشرك والدرك حله
كنه انعاش القلوب وعنايتها
مادخل في قلبه الخوف والذله
كل ماكبرت تولا ولايتها
كم سجين فالسجن مابرد غله
طلعه والناس كلبش شمايتها
فعل بيرق كود فالمجتمع كله
ماخذه منه النشااما كفايتها
الكفو قدره على راسه يشله
والرخوم بروس الاقدام شايتها
ماخذ وكاله نعم طبع وجبله
والوفا والطيب ماخذ رعايتها
قصره زحول الرجاجيل تندله
والمجالس معتني في بنايتها
من عرف نايف وخاواه مامله
لو به آيه للمراجل هو آيتها
كلمات اغاني فهد بن فصلا وكالة ونعم
غناء : فهد بن فصلا
كلمات : سعد بن شفلوت
الحان : فهد بن فصلا