كلمات ولا شكيت دحام العبيوي
تكفين في دمعك تروفين
هو ليه يستقصد دموعي
يا عين لا تبكين يا عين
دارت علي الدايرة
خلت دموعي حايرة
ادري عليها لا تطيح
والوقت غصب اسايره
ولا شكيت من الوجع
لو ان جرحي ما هجع
من كل صوب تحدني
صدوف وقتي البايرة
وانا الذي في ما مضى
اطاول نجوم الفضاء
واليوم شوفو حالتي
صارت ظروفي جايرة
حتى وليفي ما بقى
راح وتركني للشقا
ما كنت اظن اني ابد
بيوم اجي واخايره
بين المواصل والجفا
وين المحبة والوفاء
الله بس يسامحه
ما تنجبر كسايره
يا كيف سواها وقدر
يا كيف سواها وقدر
كسر معاليق الصدر
وشلون قلبه طاوعه
يطعن بطعنه ثايره
والصبر ما فاد الصبر
ليته على الصد انجبر
المشكلة بارادته
لا يا كبر خسايره
خسر مود مشتريه
لكن عوافي ما عليه
مهما يطول به الزمن
تدور فيه الدايرة
كلمات اغاني دحام العبيوي ولا شكيت
غناء : دحام العبيوي
كلمات : عبدالله بن دلباح
الحان : دحام العبيوي