كلمات ونعمة الصحيحه منعم الجنيبي
ابيات شعري فالمدايح صريحه
قريحتي ماهي بمثل القرايح
معانده من وقت تبدو شحيحه
لكن من جاء للمدايح صلايح
هبت وهي طربانه ومستريحه
عنيتها للي مع العز رايح
وافخر بطاري فعله وفي مديحه
نجما رقى في قمة المجد لايح
وسط السموات العظام البريحه
ونعم له تنساج والعود فايح
في مثل ابو زايد ونعم الصحيحه
تنقال له وشهود كل الشرايح
كلا يرددها شريحه شريحه
شهما كسبها بالفعول الصحايح
في سيرتا ذربه ورمسه فصيحه
من لابتن تبطش ببيض الصفايح
ع الصعب حتى من مكانه تزيحه
اولاد يابر كاسبين المدايح
لي صيتهم كل اللوادم تصيحه
المدح قسمه والنصر والربايح
والعون سهمه بالويوه الفليحه
كلمات اغاني منعم الجنيبي ونعمة الصحيحه
غناء : منعم الجنيبي
كلمات : عبدالله بن سليم الجنينيي
الحان : منعم الجنيبي