كلمات وينك يابويه سجاد العلاء
جاوبني فدوه العينك.
يابويه هاي اعيوني
ليل وصبح تبحيلك
::::::::::::::::::::::::::::
يابويه وينك طولت
يابويه شنو هالغيبه.
ارجعلي فدوه بسرعه
يالي علمتني الهيبه
::::::::::::::::::::::::::::
يابويه بعدك شو احس
الدنيه كلها ضدي
نايم وفز بطولي
ولكاهن ادموعي بخدي
::::::::::::::::::::::::::::
والله انته بس الغالي
عايش تضل عبالي.
ماحسبت فديوم انه
يصبح مكانك خالي
::::::::::::::::::::::::::::
وينك يبويه وينك
جاوبني فدوه العينك.
يابويه هاي اعيوني
ليل وصبح تبحيلك
::::::::::::::::::::::::::::
محتاجك اني هوايه
كد السمه ودنيايه
انت لسند لبضهري
يا يابه ضل ويايه
روحتك خلت نقص
بالبيت بس وعيوني
يسئلوني عنك ونحرج
غصبن عليه بجوني
يابويه عكبك هم متت
ونبضي مادك دكه
بغيبتك جن النبض
يابويه واكف دكه
ارجعلي مو راح انفجر
بلياك نفسيتي صفر
حته الوكت ماينتهي
مايمشي واكف العمر
محتاجك اني هوايه
كد السمه ودنيايه
انت لسند لبضهري
يا يابه ضل ويايه
كلمات اغاني سجاد العلاء وينك يابويه
غناء : سجاد العلاء
كلمات : علي الشايب
الحان : محمود اياد