كلمات يابني هاجر سما المجد جفران بن هضبان
ونفرح به ابمجلس الامه
من طيب راسه غدا مشهور
وكل العرب وجهو يمه
الشعر بحر غزير وما يعومه
كود منهو لا بدا يقدح زناده
كل غيدة فكر لو اتزود زومه
ما تروح الا مقلدها قلاده
عن وسوم اهل الشعر تفرق وسومه
والشداد الي على ريما شداده
دون ربعه ماقفه محدن يقومه
موقفن ما يرجع السيف بغماده
البلد عرسه بدا واليوم يومه
والفساد اعلن على الفاسد حداده
والبلد في خير جعل الله يدومه
وعاشقين حره ونعشق براده
وناقضين اسوام كل الي يسومه
لعنبو منهو يساوم في بلاده
لا ابطل المجلس سبب رفض الحكومه
قال ابن عصفور ما تبطل الإراده
وقال انا هذا الوطن ما اترك خصومه
عايدين ان كان للمجلس إعاده
طيرنا اللي له على المرقاب حومه
لا ابتدا الميقاف نومسنا هداده
من يجيه وهمه اكبر من تنومه
يرجع وهمه كبر عين الجراده
كل من له لازمن قاضي لزومه
النكاده لا وقف تصبح سعاده
ما تفشلنا مع العالم علومه
ماخذن من كل خلق الله الاشاده
ما اهتنى دون الوطن في حلو نومه
يوم غيره بالهنى كبر وساده
هم كل امواطن امن اكبر همومه
قال روفو بالكويت وب اقتصاده
عرضوه السجن لاهبه وسمومه
يوم قالو ويش قول الراي فاده
يحسبون السجن طيح من عزومه
زوده سور السجن صبر وجلاده
لين بان الحق يالنفس الظلومه
والله الي دايمن ينصر عباده
ثم تقدم وابتهجتنا في قدومه
وصفحته ماجاء بها نقطة سواده
والفساد اجتث كرسيه وختومه
حاربه لجل الوطن حرب الاباده
يا بني هاجر سما المجد ونجومه
ما قصر منهو بني عمي عتاده
وقحطان عزنا في كل هومه
السناد الي سعد منهم سناده
من زهمكم لعنبو منهو يلومه
والله ان ياصل على القمه مراده
معلومات الاغنية
مهداة للمرشح سعود العصفور
كلمات سعد الهويدي
اداء جفران بن هضبان
كلمات اغاني جفران بن هضبان يابني هاجر سما المجد
غناء : جفران بن هضبان
كلمات : سعد الهويدي
الحان : جفران بن هضبان