كلمات ياخصم بن جخدب توخر جفران بن هضبان
على المنصات يهدر مثل الجمل
امضى من السيف الحدب وارهف واحد
واصمل من الصامل ليا منه صمل
واللي زعل واللي حقد واللي جحد
خلاه يسرح مثل مسراح الهمل
وخلا المنافس لو تحدا واتحد
يحك راسه كن في راسه قمل
ترتيبه الاول مثل يوم الاحد
فرديته تنطح من النخبه جمل
واللي يقول انه يبي رقم واحد
مثل الحويشي اللي تحكك بالزمل
ياخصم ابن جخدب توخر واتحد
مافيه امل مافيه مافيه امل
ماعنده الا مقبره ولا لحد
من عانده يدفن طموحه فالرمل
يحد خصمه لحتمى الميقاف حد
في ساعة يبغى لها جهد وعمل
النادر اللي يوم قالوا له تحد
راحت نوادرهم حراسيس وسمل
حضر نوادر مالها في الزين حد
على النوادر ماخذه شيخة شمل
سبحان معطيها الحلا الواحد الاحد
كنها سواة البدر لامنه اكتمل
كلمات اغاني جفران بن هضبان ياخصم بن جخدب توخر
غناء : جفران بن هضبان
كلمات : سعد بن شفلوت
الحان : جفران بن هضبان