كلمات ياللي قلبك فندق خمس نجوم عمرو عاشور
ياللي قلبك كان فندق خمس نجوم
كل يوم فيه ناس تقعد و ناس بتقوم
بتسحريهم بجمالك وبرمشك المرسوم
سبيني و روحي بقي لحالك كفايه هموم
خسيسه و باعت العشره و مصانتشي
دي كانت دايره تتسلى محبتشي
واتاري الحب كان عشان جيبي وعشان قرشي
بايعها خلاص كارهها وعلي فراقها أنا مندمش
رخيصه باعت حبي بلاش
و سبتني أنا ف عز همومي
طلعت بجد حاجه متسواش
متستاهلش ساعه في يومي
كانت بتكدب و تمثل
الفين مسلسل و روايه
زي الأفاعي بتتشكل
علي كل لون دي حربايه
ده انا كنت مديكي عنيا
متطمرش فيكي يا بياعه
كفاياكي دور الحنيه
حبك طلع كدبه اشاعه
اديتك أنا م الحب بحور
و عملتلك قلبي لوكانده
قربك ده كانلي ضلمه مش نور
قاسيه انتي و مشاعرك بارده
لا مش زعلان علي فارقها ، بجد تمام
كدابه كنت بصدقها ، في أي كلام
و اقول هتفوق و تتغير مع الايام
لكن خلاص مبقتش عايزها يالا باي و سلام
عمري ما هحتاج قربك تاني ، انا كده مبسوط
جنبها كترت اوي أحزاني ، ده انا كنت بموت
اديتها حب مختش منها ، غير جراح و برود
قولي بس عملتي ايه علشاني ، مش سامع صوت
طول عمري جنبك مش مرتاح
ودايما كنت أنا بعدي
بس انتي دوقتيني جراح
يبقي الطبيعي تدوقي بعدي
شطبت بقي طيبه و سذاجه
بطلت اشغل أنا بالي
مش عايز أنا منك حاجه
بس تسبيني بقي ف حالي
كلمات اغاني عمرو عاشور ياللي قلبك فندق خمس نجوم
غناء : عمرو عاشور
كلمات : حسين جمال
الحان : حسين جمال