كلمات يام العريقه جفران بن هضبان
هادي محمد ال هادي العرجاني
من هجوسن يبدع ابيات القصيد النخبويه
بـ القصيد النخبوي ما عودت عشره ثمانه
كل ما طالت مشاوير الدروب السرمديه
اتكل با الله واسوق الرجل في حفظه وامانه
جيت اجدد وقفة الاصحاب قدام البريه
ايه انا اللي بالمواقف دايم لسانه حصانه
بسم ابو هادي نرحب يا عسا ايامه مديه
مرحبا في محفل ما فيه مثله في زمانه
يا ال هادي كني موصى على المحفل وصيه
مسرج حروف الجزاله والشعر مطلق عنانه
الخوي ما يعتذر لا من بدا واجب خويه
قافل باب العذر من قدر ابو محمد وشانه
جعلها ايامك يا هادي كلها خير وهنيه
والله يتمم زواجك بالفرح والاتزانه
لو تباعدنا المسافه لك مقام ومقدريه
لو يطول البعد ما تقل المعزه والميانه
حول عشر سنين خوه ما لقينا بك خطيه
الله من زود الطناخه والمواقف والرزانه
لا غرابه وانت ابوك اسمه على نجد العذيه
ذاع صيته فالقبايل له مقام وله مكانه
راعي الوضح الشناح اللي تحب الاولوليه
كم خذت فالمركز الاول وسام وكم حصانه
وكله الامير تركي فـ الامور المفصليه
وقام ابو هادي وسد اللازم وصان الامانه
باللزوم الاد عارج نارها نيران حيه
من يراهن في فعايلهم يبا يكسب رهانه
لا تعزوا خيل السمراء على ظهر العبيه
تصغر اكبار الاسامي وكل يرجع في مكانه
لابتك يام العريقه يومها بقعاء صبيه
الخوي ما يضام ولا الخصم يبشر باالاهانه
فا السنين الحاضره ولا السنين الاوليه
كاسبين الاوله با السيف والتاريخ عانه
ما كتبت المدح لجل اني ادور لي عطيه
العطيه قولت الاصحاب صح الله لسانه
كلمات اغاني جفران بن هضبان يام العريقه
غناء : جفران بن هضبان
كلمات : جفران بن هضبان
الحان : جفران بن هضبان