كلمات ياهادي ايمان البحر درويش
يابن حارتنا يانوارتنا حتى بناتك جه بخت اجوازهم نادي
دوروا ماتخلوش مزيكه الا اما تجيبوهالنا تدق لنا
عشرة بولكه النبي ياماريكا دا الحظ الليله يحق لنا
دي المساله هاصت ابسطها ياباسط
ليلة صباحي وواقعة زلابية بالالاتية واولاد رابية
اهو بت فى بت يزفوهم وانجلي يابوزقزوق يابوهم ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت اجوازهم نادي
الشكل بولاقي لكن خايل باشاوات مين دا انت باشا وحته
وايش حال بقى لما تتمايل ووراك بدل المحسوب ستة
بكرة الموبيليا تيجي من مارسيليا
ليه لاهو نجار مصر ايده قصيرة ولا صنعته ناقصة تمدن
والنبي لو ترسى على حصيرة ولاحوجة لمارسيليا ولوندن ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت اجوازهم نادي
ده يبقى نهار عال وكويس لما تتهنى بحبيبتك
ونيجي نقول لك عشرة ياريس ياللي ف وجودك وف غيبتك
اسمك مايروحش من بالنا لو راحت روحنا واموالنا ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت اجوازهم نادي
كلمات اغاني ايمان البحر درويش ياهادي
غناء : ايمان البحر درويش
كلمات : بديع خيري
الحان : سيد درويش