كلمات يا اسكندرية محمد منير
ياريت ينوبنى من الحب نايب
تحدفنى موجة على صدر موجة
والبحر هوجة والصيف مطايب
اغسل هدومى ياسكندرية
وانشرهمومى ياسكندرية
على شمس طالعة وانا فيها دايب
كانى فلاح من جيش عرابى
مات ع الطوابى وراح فى بحرك
كانى نسمة فوق الروابى
من البحر جاية تغرق فى سحرك
كانى كلمة من عقل بيرم
كانى غنوة من قلب سيد
كانى جوة المظاهرة طالب
هتف باسمك وراح معيد
يااسكندرية يامصروية
على سن باسم على ضحكة هلة
البحر شباك ومشربية
وانتى الاميرة ع الدنيا طالة
يااسكندرية عاشق وبدى ارتاح فى حضنك الود ودى
يكون كلامى عربون غرامى وبلمحبة ناخد وندى
يااسكندرية فيكى الغلابة ع الرزق يسعو ولا ينموش
نزل شبكهم فى بحر طامى طلع شبكهم على فشوش
وفيكى بين البشر ديابة وفيكى فوق البشر وحوش
وفيكى ناس مغرمين صبابة لو خان زمانهم ما بيخنوش
وفيكى خمرى يااسكندرية
سلمت امرى يااسكندرية
مقدر اشوفة وماغنلوش
كلمات اغاني محمد منير يا اسكندرية
غناء : محمد منير
كلمات : احمد فؤاد نجم
الحان : احمد نجيب