كلمات يا اميمة امنة فاخر
نتفكّر أيّام العيد
زيطه لمّه و زغاريد
كي تلبّسني لباس جديد
نجري فرحانة يا أمّيمة
نومه على كتافك نرتاح
تعب الدّنيا لكلو راح
ورد جنينة ذبل و شاح
حزينة على فراقك يا أمّيمة
في الجنّة إن شاء الله نلقاك
يا عزيزة قلبي يا أمّيمة
ربّي كريم و عندو خذاك
يرحمنا و ما يخلّي بينا
بين الدّمعة و التّبسيمة
تعدّينا برشا حكايات
ما ننسى حيوطي القديمة
ماضي قريب تعدّى و فات
ما ننسى كي تعبت علينا
عدّيت المرّة بسكات
تجري الدّنيا ما حسّينا
و لعبت بينا الأيّامات
في الجنّة إن شاء الله نلقاك
يا عزيزة قلبي يا أمّيمة
ربّي كريم و عندو خذاك
يرحمنا و ما يخلّي بينا
أمّي ليوم نغنّي عليك
بإحساسي بصوتي بكلامي
شنيّة الدنيا بلاش بيك
نتمنّى نشوفك قدّامي
طول الليل نحلم بيك
في اليقظة توضاح الصورة
ما ننسى كي نبشبش بيك
و أنّادي أمّي كعبورة
في الجنّة إن شاء الله نلقاك
يا عزيزة قلبي يا أمّيمة
ربّي كريم و عندو خذاك
يرحمنا و ما يخلّي بينا
نتفكر أيّام العيد
زيطه لمه و زغاريد
كي تلبّسني لباس جديد
نجري فرحانة يا أمّيمة
نومه على كتافك نرتاح
تعب الدّنيا لكلو راح
ورد جنينة ذبل و شاح
حزينة على فراقك يا أمّيمة
كلمات اغاني امنة فاخر يا اميمة
غناء : امنة فاخر
كلمات : طلال مازد
الحان : طلال مازد