كلمات يا بعيده ماجد العازمي
داام وصلك دونه سيوف حرب قايمه
لا تلوميني و انا ما لحق راسي عتاب
لومي ظروف الزمن و الحظوظ النايمه
والله ان قلبي من الشوق عايش في عذاب
و دمعتي عن محجر العين ماهي صايمه
عاشقك لا طاحت الشمس من روس الهضاب
عاش في نفس كسيره و كبد ظايمه
بينه و بين المخاليق غشوه من ضباب
لين صارت وحدته فالليالي دايمه
مبعد عن ساحة البغض و اسقاط الاداب
و نفسه عن التفرقه و الضغينه شايمه
في خياله كل ليله يحلق ل السحاب
لين يصعد فوق متن المزون الغايمه
فيه من ثقل الاكابر و من طيش الشباب
و شاعر من خلقته كل وادي هايمه
و حظه مع الوقت لونه مثل ريش الغراب
يعني ان هل اكثر الدمع ما احدن لايمه
لو عرض بيعه على الناس من باب اكتساب
ما حد جاين يشوفه ولا احدن سايمه
كلمات اغاني ماجد العازمي يا بعيده
غناء : ماجد العازمي
كلمات : مشعل الحويقل
الحان : منير البقمي