كلمات يا بوي ليت الناس لا غبت يدرون دحام الضحيك
مافيه شي اليوم يجبر مصابي
راح الكريم وفيني الحزن مكنون
وضاقت علي بيوم فقدك ثيابي
يابوي ليت الناس لاغبت يدرون
انك لقا عمري وفقدك عذابي
كل شي غالي يايبه بعدك يهون
لوكان ابفقد عقب موتك شبابي
تبكي بيوم غيابك قلوب وعيون
من قبل اشرع دون الاحزان بابي
يبكونك اللي بمجلسك ويتعنون
يبغون شوفك ياعزيز الجنابي
ياللي تشيل ديون وتسدد ديون
للضيف والعاني وعتق الرقابي
مسجد صلاتك يفقدك لو يصلون
وديوان بيتك والاهل والمرابي
ياجعل بالفردوس مادونها دون
وقبرك بساتين ورياض وروابي
مرحوم ياوجهن له الكل ممنون
اقولها والحزن توه سرابي
مات الكرم والطيب والعز والعون
والعمر بوجودك بدا وانتهابي
كلمات اغاني دحام الضحيك يا بوي ليت الناس لا غبت يدرون
غناء : دحام الضحيك
كلمات : فاطمة الفهيد
الحان : دحام الضحيك