كلمات يا جمال الورد هدى سلطان
رحنا قطفناه وجينا نبيعه
خدوا مني الورد يا عشاقه
من قبل ما تدبل اوراقه
ابيض وجميل على غصنه يميل
والناس لعبيره بيشتاقوا
ادي صحبة جميلة اه يا محلاها
علشانك رحنا قطفناها
من اجمل بستان جبناها
وبايدي الحلوة انا عاملاها
بس انا عيان وفي قلبي هوى
خد صحبة كمان ده الورد دوا
يشفيك الورد وتطيب ع الورد
رحنا قطفناه وجينا نبيعه
خدي وردة يا احلى من الوردة
يا جميلة وعيني عليكي باردة
دي تكتر حسنك وتزيد في جمالك وحلاوة قدك
شميها وخليها بعيد لا تتوه في الورد اللي في خدك
ما هو زي الورد واحلى من الورد
رحنا قطفناه وجينا نبيعه
ايه رايك في الصحبة دي عمالة عليك بتنادي
مفيش عنك دوا لفؤادي
خدله من الورد النادي
والورد هيعمل ايه
خد بالك م الوصفة دي
شمه 3 مرات في اليوم
بعد الاكل وقبل النوم
حاسب ع الورد وجمال الورد
رحنا قطفناه وجينا نبيعه
كلمات اغاني هدى سلطان يا جمال الورد
غناء : هدى سلطان
كلمات : فتحي قورة
الحان : محمد فوزي