كلمات يا حمد بدر العزي
مهدت لي واقعي والعيش فيه بواقعيه
كابح نفسي ورغبتها ولا ارخيت اللجامي
وقانع بما قدره ربي وماساقه عليه
من عطى نفسه هواها يلحقه نقد وملامي
البنادم نفسه الشرهه تورده المنيه
عن دروب المغريات اجنبت واتقنت التعامي
ماورى بعض الدروب الا القلق والفوضويه
من ترفع يرتفع ويعيش فوق الارض سامي
ومن يقلل قيمة الاخلاق تنبذه البريه
والتواضع ماينقص قيمتي والا احترامي
التواضع رفعه ومعيار الارواح النقيه
والاصيل اواصله واوصله واصونه واحامي
لا طرى طاريه تدفعني الاصاله والحميه
والمديح المستحق يساق لكبار الاسامي
وشرد الافكار كل فكره تقول انا القويه
ياحمد كل التحايا لك مع صادق سلامي
واحترامي وجل من يعطي العباد القابليه
ياحمد يانقوة النقوه والاول والامامي
سيف مجرب يسل بكل ميقاف وهيه
عادته لامن تكلم يسبق الفعل الكلامي
بن غليطه وقفته لا قام وقفه مفصليه
اغفلي مايعود للورى والضرب حامي
ولايهاب من المنايا لو تنطحه السريه
مزبن اللي من عناء الايام متعومس وضامي
وفية اللي مالقى له من لهيب الوقت فيه
كل عين ترتجيه يقول قري بي ونامي
وفي حمانا كل كربه باذن ربي منجليه
بالكرم تضرب به الامثال عام بعد عامي
ميزه ربي وخصه باليدين الحاتميه
صغت فيك النادرات الشرد ياعالي المقامي
من بنات الفكر جتك المفردات المخمليه
كلمات اغاني بدر العزي يا حمد
غناء : بدر العزي
كلمات : وليد بن محمد
الحان : بدر العزي