كلمات يا حيدر مدد محمد فريدون
ما نقبل غيرك ولي لا يا بالحسن
والينا و ماكو غيرك يحضر بالشدد
بايعناك بغديرك يا حيدر مدد
١
طه بغديره رادك وزيره
هاي الشعيرة تختم حجته
إنت السفينة و باب المدينة
و إنت لنبينا روحه و مهجته
كرار بحومة الكر
بس مثلك ما تكرر
يا كابوس المعسكر
إنت بكل شي تتصدر
من هو يشبهك يا حيدر
يا حيدر مدد
يا من تحضر شيعتك أوقات المحن
نحضر روح لبيعتك لو غاب البدن
٢
رب البرايا أنزلها آية
و خلاها غاية دونك ماكو دين
إنت المؤمل و بكل شي أول
چفك تمثل أربع و أربعين
كل طاغوت يتكبر
يم سيفك حجمه يصغر
مرحب حين الذي اغتر
راسه بفقارك انطر
صاحت صيحتها خيبر
يا حيدر مدد
يا حيدر مدد
طه يندبك يالولي من تبدي الفتن
و إحنا ننادي يا علي مثل المؤتمن
٣
نزلت تشارك حتى الملايك
لازم تبارك ميثاق الغدير
مبسوطة إيدك عيد الله عيدك
ربك يريدك تتنصب أمير
بالحكمة الباري قرر
عالأكوان تتأمر
و البيعة الأولى بالذر
سر و بذو الحجة يظهر
عيد الله العيد الأكبر
يا حيدر مدد
يا سر الله و مرسله هالعيد إنعلن
و إحنا نقره و نقبله بالسر و العلن
كلمات اغاني محمد فريدون يا حيدر مدد
غناء : محمد فريدون
كلمات : عبدالله السقاوي
الحان : محمد فريدون