كلمات يا صاح صالح اليامي
حاذور من سهم مع الجو طايش
سهم من أقواس الحدق فيه تسميم
جرحه عميق و يودع الفكر دايش
يرميه خشف ما يهاب المواثيم
توه صغير السن بالزين شايش
و إلا عنود تدهل القلب و تقيم
ترعى الحشا بين الضلوع المشايش
نجل العيون اللي هدبها صواريم
من لاعته ناشه من الموت نايش
كم فارس قبلك تجزع من الضيم
مطروح لا يقوى و لا هو ب هايش
تعرضن له ضامرات المحازيم
أهل القدود المترفات النشايش
و تبششن له بالثمان المناظيم
و أثر البلا من عقب هاك البشايش
كم ضحكة سرت قلوب الشغاميم
و عقب الهنا و الضحك جرت بلايش
هذا الهوى مبداه قطر من الغيم
و أتلاه أنقع من سموم الهوايش
و العشق وأهل العشق سقم ومساقيم
كم واحد ميت و لو كان عايش
انشد عليم وخل عنك التواهيم
و احذر و لو حاشك من النفس حايش
كلمات اغاني صالح اليامي يا صاح
غناء : صالح اليامي
كلمات : الامير خالد بن سعود الكبير
الحان : صالح اليامي