كلمات يا طيب راس الدلبحي ماجد خضير
داهم فوادي ضيقة تلغي جميع الافرحه
النفس وصلت حدها والخاطر ازرى لايطيب
كن الهموم تدك ميدان الصدر بالاسلحه
تقول في صدري ذيابه تشهر بصوت القنيب
في خاطري شي مايوصفه الطبيب ويشرحه
ولاينفه ضيقة الخاطر عن الشخص الكائيب
الا الدروب الجرهديه والقلم والمسبحه
اليا عطيت القفر الادلج اعطي الدنيا صليب
احذف همومي كل ما جيت الدروب المبرحه
الجهل ميزان الغبي والعقل ميزان اللبيب
والشاعر المبدع يجيب اللي النشاما تمدحه
ولا ينال عيون جزل الشعر من عين الاديب
الا الحصان اللي كسب كل الفخر والاوشحه
شرواك ياسلطان ابن حمدان يالسيف العطيب
على القمم يرقى بطيبه فوق كل الاصرحه
يشيب شعره من عناء الدنيا وطيبه مايشيب
كل الصعاب العوج عند عزومه تصير افسحه
عز الله انه بالمراجل ماخذن رتبة مهيب
مانال مجده من ورء نطل الوجه والمصلحه
ياطيب راس الدلبحي عزالله انه راس طيب
شهر بصيته من حدود طويق حتى تندحه
ورث من ابوه الكرم ولا هو على مثله غريب
حمدان ساس الطيب والطاله يذري مشلحه
ايه والله انه بنك وحزام الرفاقه والقريب
ياسعد منهو في نهار الضيق حطه مربحه
من لابة ترد المنايا تلطم عيون الحريب
الاد دلبح كم عدو في الملاقى تذبحه
اليا اعتلو قب المهار وفوق عجلات الهذيب
هذا حريب تهجد دياره وذاك تصبحه
من عزوة عتيبه مخلصة الطليب من الطليب
اللي لهم تاريخ بالامجاد محدن يدمحه
كلمات اغاني ماجد خضير يا طيب راس الدلبحي
غناء : ماجد خضير
كلمات : وائل بن محماس الذيابي
الحان : ماجد خضير