كلمات يا عيون بابا وديع الصافي
العمر كله عــمر مليان وهني
يافرحتي ياابني حكيت ومشيت
سنّ فوق و سنّ تحت مبينة
لما على شفافك بشوف بســــمة هنا
بنسى همومي وسهد عيني و الضنى
بتصير تتراقص حواليي المنى
بأشــكال حلوة بالأماني ملونة
ياعيون بابا ..
قد ما الازهار بتحب الندى
قد ما العصفور بيحب الودا
بحبك انا وانت النهاية والبدا
ولولا وجودك شو الها طعم الدني
بعدك يا روحي طفل في قلب السرير
دنياك روض موشـــح بزهر وعبير
بكرا يا ابني متى صرت كبير
بتصير يا ابني انت فيي تعتني
يا عيون بابا اليوم كفيت السنة
كلمات اغاني وديع الصافي يا عيون بابا
غناء : وديع الصافي
كلمات : مارون كرم
الحان : وديع الصافي