كلمات يا مجاهد في سبيل الله سعاد محمد
طول يا بطل ما معانا سيوف الدنيا ياما بكره تشوف
احنا عرب اصلنا معروف فن الحرب احنا بدعناه
يا مجاهد فى سبيل الله
كل حياتنا كفاح وجهاد شئ ورثينه عن الاجداد
اللى سابوا لنا دول و بلاد فيها العز و فيها الجاه
يا مجاهد فى سبيل الله
ارض جدودنا وغيرها مافيش فوقها نموت وعليها نعيش
مافيش مطرح للخفافيش واللى بلاد الله طارداه
يا مجاهد فى سبيل الله
يوم الحرب ده عمر جديد يبقى تعيش فيه تعيش فيه سعيد
و الا تروح الجنة شهيد عند الله و تفوز برضاه
يا مجاهد فى سبيل الله
يوم الحرب ده يوم افراح نوهب له اعز الارواح
نوهبها بضمير مرتاح سافر يلا فى حفظ الله
يا مجاهد فى سبيل الله
كلمات اغاني سعاد محمد يا مجاهد في سبيل الله
غناء : سعاد محمد
كلمات : بيرم التونسي
الحان : رياض السنباطي